Црвена леќа

Црвената леќа е протеинска бомба која помага при анемија и за намалување на телесната тежина.

 Содржи неверојатни 26 гр. протеини на 100 гр. намирница. Богата е со квалитетни сложени јаглени хидрати и растителни влакна кои дел се растворливи и го намалуваат холестеролот, а дел се нерастворливи и го подобруваат варењето на храната а ги успоруваат брзите јаглени хидрати со што се потпомага намалувањето на телесната тежина.

Црвената леќа има низок гликемиски индекс од само 29, што е многу поволно, а содржи само еден грам  масти и тоа корисни - омега 3 и 6 масни киселини.

Од минералите особено е богата со железо, магнезиум и молибден, а од витамини содржи најмногу фолна киселина.
Заради тоа црвената леќа особено се препорачува во исхраната на луѓе со анемија и за спортисти изложени на поголем физички напор.

По својот состав црвената леќа е доста поквалитетна од другите житарки, а доста лесно и едноставно се приготвува. Кратко се вари, околу 15 минути, и брзо се распаѓа па е особено прикладна ако сакате оброк во вид на пире.

Се препорачува да се комбинира со некоја друга житарка за да се надополни аминокиселинскиот состав и да се добие богатство на квалитетни аминокиселини.

Зеолит при хемотерапија

Зеолитот ги ублажува и отстранува негативните нуспојави од хемотерапијата и радиотерапијата. Овозможува полесно поднесување на хемотерапијата и ја поправа општата состојба на пациентот.

 Зеолитот се препорачува да се зема со хемотерапијата или зрачењето, затоа што значително допринесува при намалување на тегобите кои ги предизвикуваат овие терапии и на заболените им овозможува полесно заздравување. Клиничките испитувања покажале дека зеолитот ја намалува потребата од аналгетици и наркотици и допринесува за намалување и елиминирање на течноста од стомачната шуплина (ascites ). Се нормализира нивото на седиментација, се зголемува нивото на железо во крвта и бројот на крвните келии. Особено брзо се нормализира LDH, и се зголемува дифузискиот капацитет на белите дробови како и контрактноста на срцевиот мускул. Генерално се унапредува здравјето на пациентот. Зеолитот ги ублажува нуспојавите од хемотерапијата и радиотерапијата, на пр. повраќање, мачнина, губење на апетит итн.

Исчезнуваат габичките во устата, кои се честа појава при хемотерапија. Видно се подобрува општата состојба на заболените кои добиваат на тежина и во поголем број на случаи имаат потреба за јадење. Во поголем дел исчезнува депресијата, несоницата, потребата за јадење. Исто така допринесува за елиминирање на габичните заболувања на кожата, слузокожата или внатрешните органи кои можат да настанат како последица од радиотерапијата..

Здравје од чаша - smoothie

Smoothie со авокадо, јаболко и пченични никулци

Состав:

• 1 авокадо
• 2 јаболка
• 1 кафена лажичка пченични никулци
• 2 чаши напиток од ориз и бадем
• 2 кафени лажички гоџи бобинки
• 1 сува урма без семки
• 2 супени лажици наут во зрно
• прстофат зачин каранфилче

Подготовка:

Авокадото и јаболката се лупат. Наутот се кисне 12 часа пред подготовката. Сите состојки се ставаат во силен блендер. На крајот се додава напитокот и се блендира уште малку за се убаво да се соедини.


Зеленчуково smoothie

Состав:

• 3 моркови
• 3 домати
• 4-5 листа свеж босилек
• мало парче ѓумбир
• прстофат оригано
• прстофат лук во прав
• 1 кафено лажиче ладно цедено масло од семки од тиква

Подготовка:

Состојките се ставаат во силен блендер и се блендираат додека не се добие кашеста хомогена смеса.

Кардио smoothie


Состав:

• 1 шоља капини
• 1 голема лажица сусамово масло
• 1 шоља млеко
• 1 шоља јогурт

Разубавете ја кожата

Состав:

• 1 голема лажица ленено семе ( сомелено )
• 1 авокадо 
• 1/2 шоља малини
• 1/2 шоља капини
• 1 шоља цреши
• 1 шоља јогурт
• мраз по желба

Smoothie со ананас, банана и спанаќ

Состав:

• 1/2 ананас
• 1 шоља сварен спанаќ
• 1 банана
• 1 шоља млеко

Спирулина

Спирулината е тип на сино зелена алга која природно расте во океаните и солените езера во субтропската климатска зона.
Спирулината е бесмртен организам кој се обновува себеси 3 милијарди години.
Со својот состав и широк спектар на хранливи материи ги воодушевува нутриционистите ширум светот. Во спирулината има преку 4000 хранливи состојки од витално значење за човекот.

Протеини и амино киселини

Спирулината има највисока застапеност на протеини од било која друга храна. Содржи околу 65 % комплетни протеини. "Комплетен протеин" значи дека ги содржи сите  есенцијални и неесенцијални аминокиселини кои што му се потребни на нашето тело за да напредува. Овие протеини се концентрирани и лесно сварливи и не содржат холестерол.

Спирулината ги содржи потребните Омега 3 и 6  есенцијални масни киселини, како и гама линолеинската киселина која во таа форма ја има единствено во мајчиното млеко и помага за развојот на доенчињата и за правилна работа на срцето.

Витамини

Спирулината содржи цел спектар на витамини. Во голема количина содржи  бета- каротен кој е провитамин на витаминот А . Бета- каротенот во спирулината го има 25 пати повеќе отколку во суровиот морковот. Природните облици на провитамин А се многу поквалитетни, полесно сварливи за телото и со самото тоа поискористливи за разлика од синтетичките препарати.
Бета- каротенот е природен антиоксиданс кој штити од малигни, од срцеви заболувања, го зајакнува имунитетот, го намалува нивото на холестерол во крвта. Употребата на бета-каротинот се препорачува наместо витамин А бидејќи не постои опасност од акумулација и предозирање.
Спирулината содржи големо количество на витамин Б 12 кој скоро никогаш го нема во растенијата а е неопходен за оформување на црвени крвни зрнца.
Во спирулината ги има и витамините Б 1, Б 2, Б 3, Б 5, Б 6, Б 7, Б 9, Ц, К, Д, Е.

Минерали

Додека расте, спирулината ги апсорбира скоро сите минерали есенцијални за човечкиот организам. Особено е богата со железо кое го има 50 пати повеќе отколку во спанаќот. Содржи и калциум, цинк, селен, магнезиум и фосфор.

Пигменти

Во спирулината има фикоцианин-сино обоен пигмент кој не може да се најде во ниту едно друго растение. Фикоцианинот апсорбира многу сончева светлина. Овој пигмент е силен антиоксиданс. Ги заштитува клетките на црниот дроб и помага во процесот на детоксикација.
Спирулината во изобилство има хлорофил кој е одличен прочистувач на крвта и кој се нарекува " зелена крв " заради сличниот состав со хемоглобинот од крвта.

Ензими

Спирулината содржи голем број на ензими меѓу кои и исклучително реткиот superoxide dismutase -СОД. Ова е ензим кој ги подржува важните процеси на телесните клетки и ги штити од слободните радикали.

Спирулината е алкална храна и ја одржува идеалната Ph вредност на организмот.

Спирулината има широка примена и делува на повеќе начини врз човечкиот организам и неговото здравје:

• Го зајакнува имуниот систем, ја зголемува издржливоста и отпорноста на организмот
• Помага при анемија
• Помага при регулирање на телесната тежина
• Ја подобрува работата на срцето, го регулира холестеролот и крвниот притисок
• Го подобрува варењето на храната и работата на дигестивниот систем и ја обновува цревната флора
• Ја зголемува менталната енергија и ја подобрува работата на мозокот
• Го подмладува организмот и го успорува стареењето
• Се применува при менструални проблеми, проблеми со жолчката, црниот дроб, тврда столица, артритис.

Спирулината им се препорачува и на :

- Спортисти на кои им е потребна поголема физичка енергија и издржливост
- На луѓе на кои им е потребно прочистување на организмот од токсини, тешки метали, алкохол, пушење и преголема употреба на лекови
- На бремени жени кои имаат зголемена потреба од протеини и железо
- На лица со анемија поради подобрување на крвната слика

Јачменова и пченична трева - зелена супер храна

Зелената супер храна има највисоки концентрации лесно сварливи хранливи материи, витамини и минерали кои го штитат и лечат телото.

Пиењето на сок од млади зелени житарици  претставува силно детоксикациско средство и извор на антиоксиданси, со што телото може да се заштити од многуте болести кои денес постојат.

Растенијата се збираат додека се млади, кога се високи 10 - 15 см, за оптимално да се искористат нутриентите кои од лисјата преминуваат во зрната. Потоа се прави екстракција и сушење и настанува зелен прав.
Кога растат во органски услови, листовите од млади зелени житарици задржуваат 82 до 92 минерали присутни во земјата , а се проценува дека 1 лажичка прашок од зелената супер храна ( 3 гр ) содржи иста количина на хранливи материи како и половина килограм на органски одгледувани овошје и зеленчук.

ЈАЧМЕНОВА ТРЕВА

Јачменовата трева ги содржи сите познати минерални елементи и е богата со калциум, магнезиум, фосфор, железо, калиум, сулфур, натриум, кобалт и цинк.

Содржи:

5 x повеќе железо од спанаќот
7 x повеќе вит Ц од портокалите
10 x повеќе бета каротен од морковот
11 x повеќе калциум од млекото
30 x повеќе вит. Б1 од млекото

Позитивно влијае на организмот така што:

- го зајакнува имунитетот
- го зголемува бројот на црвени крвни зрнца и ја лекува слабокрвноста
- помага при алергии зошто има антихистаминско дејство
- го намалува високиот крвен притисок
- ја стимулира тироидната жлезда
- моќен детоксификатор и заштитник на црниот дроб
- ги уништува тумор клетките
- го чисти телото од отрови
- ги намалува стомачните болки и проблемите со желудникот
- ја балансира Ph вредноста на телото
- го намалува холестеролот во крвта
- помага при артритис

ПЧЕНИЧНА ТРЕВА

Околу 70 % од содржината на пченичната трева е хлорофил. Хлорофилот е скоро идентичен со хемоглобинот во крвта. Поради оваа сличност, човековото тело лесно може да го трансформира хлорофилот во хемоглобин, зголемувајки го бројот на црвените крвни зрнца. Затоа пченичната трева се препорачува во борбата против анемија ( слабокрвност ).
Поголема количина на хемоглобин во крвотокот значи крв богата со кислород кој е прв и најважен елемент потребен за правилна функција на сите клетки.

Пченичната трева содржи преку 100 елементи кои му се потребни на човекот, меѓу кои се и   важни есенцијални масни киселини,  ензими и антиоксиданси.
Лисјата на младата пченица содржат вит. А,  Ц, Б,Б 17, вит. Е, Ф и вит. К и минерали кои се наоѓаат во почвата вклучувајќи калциум, магнезиум, кобалт, железо, цинк, калиум и фосфор.
 Специфичниот нутритивен состав на листовите на младата пченица обезбедува корисни ефекти врз кожата, косата и ноктите. Се смета дека има антиканцероген и детоксификациски ефект. Корисна е за варењето, превенција на болести на срцето и крвните садови.

За разлика од целото семе пченичната трева не содржи глутен или некои слични алергиски провокатори.
Многу е алкална и е одлична за подобрување на здравјето на крвта.
Ја нормализира функцијата на тироидната жлезда и го стимулира метаболизмот.
Покрај тоа пченичната трева помага за лачење на млеко кај доилките.

Начин на употреба:

Вкусот  во почетокот може да ви изгледа необично, па препорачливо е младите житарици  да се комбинираат  со некои други овошја или сок од зеленчук. Особено добро одат со сок од јаболко.Се почнува со една кафена лажичка на ден, а потоа постепено се зголемува на две кафени лажички на ден.

Перуанска мака

Маката ( Lepidium meyenii ) е корен сличен на ротквица кој расте на високите планини во Перу, на надморска висина преку 4000 м.

Првите записи за употребата на маката потекнуваат од пред 2000 години. Маката ја употребувале старите цивилизации не само за исхрана туку и за медицински цели. Била важна состојка во исхраната поради тоа што е богата со шеќери и протеини. Содржи 60 % јаглени хидрати, 10 % протеини, 8,5 % диетални влакна и 2,2 % масти. Сушената мака е богата со есенцијални елементи - јод, железо, калиум, магнезиум, алкалоиди - макаиди и макаени кои ги има само во маката.

Единствените алкалоиди макаиди и макаени се одговорни  за правилна функција на ендокриниот систем, што значи дека се одговорни за правилна работа на сите хормони во организмот. Одтука потекнува влијанието на маката на сите дисбаланси на ендокрините жлезди во телото, пред се половите, тироидните и надбубрежните хормони.

Маката содржи и стероли и аминокиселини кои влијаат на зголемување на енергијата, менталната и физичка сила, издржливост, либидо, плодност, потентност и зачувување на виталноста на сите органи кај човекот.

За време на империјата на Инките, легендите зборуваат дека воините конзумирале големи количини на мака пред тргнување во војна што ги правело снажни и издржливи. Но после победата им било забрането користење на маката за да се заштити женската популација од нивните моќни сексуални импулси.
Така маката ја добила репутацијата на магична билка која дава енергија, ја зголемува силата, го зголемува либидото и плодноста.

Златната мака со својот единствен состав спаѓа во групата на најефикасни адаптогени. Адаптогени се нетоксични растенија кои многу ефикасно влијаат на здравјето на луѓето, посебно кога станува збор за намалување на стресот. Едноставно речено адаптогените му помагаат на организмот на човекот да се прилагоди на стресно опкружување.

Правот од коренот на мака е најпознат природен балансер на хормоните. Иако најмногу ефекти има на дисфункцијата на половите хормони ( при пмс, менопауза, неплодност, импотенција, намалено либидо, зголемена простата ), правот на маката позитивно делува и при проблеми со тироидната жлезда, дијабетес, дебелина, остеопороза, депресија, умор, несоница, раздразливост.

Важно е да се знае дека маката има ефикасно дејство за воспоставување на добра периферна циркулација и добра работа на целиот кардиоваскуларен систем.

Маката има способност да му даде на организмот онолку енергија колку што му е потребно за правилно функционирање. Затоа ја земаат и спортистите како најефикасно природно средство за зачувување на физичката спремност при зголемени физички активности.

Консумирањето на мака помага при:

Кај мажите:

- ја зголемува физичката издржливост и енергијата
- го зголемува либидото и потенцијата
- помага во создавање на мускулна маса на природен начин
- помага кај појава на акни и останати проблеми со кожата
- го покачува нивото на тестостерон
- ја подобрува ерекцијата
- го зголемува траењето на ерекцијата
- помага при импотенција
- го зголемува бројот и покретливоста на сперматозоидите
- ги ублажува симптомите на андропаузата

Кај жените:

- маката е природна замена за хормонална терапија
- ги отстранува симптомите на ПМС
- намалува менструални болки
- регулира неуредни менструации
- помага кај појавата на акни заради хормонална дисфункција
- ги отстранува симптомите на менопаузата
- спречува вагинална сувост
- го зголемува сексуалниот нагон
- ја зголемува плодноста

Начин на употреба:

Најдобро е да почнете со половина лажичка мака во прав на ден. Останете на таа доза додека не поминат ефектите на зголемена енергија и појава на симптоми на детоксикација. По поминувањето на симптомите зголемете ја дозата на една лажичка на ден.Маката се раствора во чаша со вода или природен сок.Не се препорачува растворање во млечен и топол напиток. При редовно земање на мака треба да се направи пауза од една недела секој месец ( жените ја прават паузата за време на менструалниот циклус )
Маката не се препорачува за бремени жени и доилки како и кај деца под 14 години.

Рецепт за кремасто smoothie од банана и авокадо

Состојки:

(употребувајте органски продукти секогаш кога можете)

- 2 банани
- 1/2 излупено авокадо
- 1 1/2 шоља бадемово млеко ( или кое било друго млеко )
- 1/2 -1 лажичка цимет
- 1 лажичка мед
- 1 лажичка чиа семе
- 1 лажичка поленов прав
- неколку коцки мраз

Подготовка:
Ставете ги сите состојки во блендер. Блендирајте на највисока брзина половина до една минута додека не се добие кремаста конзистенција. Уживајте.

prevzemeno od http://www.foodmatters.tv/

Јадете по една банана секој ден

Бананите со својот богат, кремаст и сладок вкус се омилена храна како на децата, така и на возрасните.
Покрај тоа што се многу вкусни, бананите се добар извор на витамини, минерали и диетални влакна.
Една средна банана има 105 калории, а содржи натриум, калиум,вит. Ц, вит. А, железо, вит. Б 6, магнезиум и е богата со диетални влакна.

Секојдневното консумирање на банани има повеќе здравствени придобивки.

- Јадењето банани придонесува за добро кардиоваскуларно здравје.

Бананите се богат извор на калиум-минерал кој е важен за одржување на нормален крвен притисок и нормална срцева акција. Поради тоа што содржат стероли, бананите ја спречуваат апсорпцијата на холестерол од храната и спречуваат појава на висок холестерол во крвта.

- Бананите помагаат во спречување на депресија
Содржат високо ниво на триптофан, кој преминува во серотонин-хормон на среќата.

- Јадењето банана пред физичка работа дава енергија и го одржува нивото на шеќер во крвта

- Спречува грчеви на мускулите за време на вежбањето или во тек на ноќта.

- Бананите го зајакнуваат нервниот систем и помагаат во продукција на бели крвни зрнца заради високата содржина на вит. Б 6 во својот состав.

- Ја зајакнуваат крвта и се борат против анемијата поради тоа што содржат железо.

- Бананите, заради богатството на пектин, ја помагаат дигестијата и ги врзуваат токсините и тешките метали  од телото.

- Бананите дејствуваат како пробиотик и го стимулираат растењето на добри бактерии во цревата.

- Помагаат да се обноват изгубените електролити после дијареа и повраќање.

- Даваат олеснување при желудочни киселини бидејќи формираат заштитен слој во желудникот кој штити од  киселини.

- Јадењето банани помага во превенција на канцер на бубрезите, ги штити очите од макуларна дегенерација и ги зајакнува коските со тоа што ја зголемува апсорпцијата на калциум.

- Бананите се богати со антиоксиданси, па даваат заштита од слободните радикали и хроничните болести.

- Јадењето банана помеѓу оброци овозможува да се стабилизира шеќерот во крвта.

Затоа овозможете си вкусна ужина и јадете по една банана секој ден.

Зајакнете го имунитетот пред сезоната на грип и настинки

За припрема на овој рецепт, потребни ви се :

- пакување поленов прав ( измелен )
- мала тегла матичен млеч
- тегла сусамов таан
- 3 лимони
- 200 гр. мелени лешници
- 100 гр. семе од коприва
- 200 гр. мелени ореви
- 200 гр. мелени бадеми
- тегла мед

Сите продукти можете да ги најдете во било која продавница за здрава храна.

Сите овие состојки се мешаат во поголем сад.Доколку лимоните не се органски, најдобро е да се искористи само сокот.Мешањето на состојките треба да е со дрвена или пластична лажица.
Добиената смеса се претура во стаклени тегли завиткани со алуминиумска фолија. Најдобро е теглите да се чуваат во фрижидер.
Се зема секој ден по една лажица од смесата.Лажицата не треба да е метална. Користете дрвена или пластична лажица.

Лековити својства на ѓумбирот

Ѓумбирот е растение кое расте длабоко под земјата и разгранува корени кои може да се јадат.
Потекнува од јужниот дел на Азија и се одгледува повеќе од 3000 години. Спаѓа во најскапите, најбараните и најмногу користени ароматични растенија. Неговата цена е повисока заради долгиот процес на зреење ( 5-9 месеци ) Ѓумбирот илјадници години се користел како зачин и лек.
 Ова лековито растение во себе содржи протеини, етерични масла, вит. Ц, калиум, калциум, магнезиум, фосфор,железо, манган, фолна киселина, вит. Б .

Коренот од ѓумбирот може да се користи свеж или сушен, но и во вид на прав. Од ѓумбирот исто може да се припремат и разни тинктури, масла и чаеви.

Ѓумбирот е многу добар антиоксиданс, а има и антибактериско, антивирусно, седативно и антипиретичко дејство.

Ѓумбирот помага во намалување на високиот холестерол.
Позитивно влијае на обновување на цревната флора и ја намалува подуеноста на стомакот.
Ја подобрува циркулацијата на крвта а со тоа го намалува ризикот од заболувања на срцето и крвните садови, како и ризикот од срцев и мозочен удар.
Силната главоболка и мигрената може да се ублажат со грицкање на неколку тенки парчиња свеж ѓумбир.
Свежо приготвениот чај од ѓумбир ја намалува напнатоста и стресот, ја зголемува енергијата и будноста. Поради ова чајот од ѓумбир не се препорачува да се пие навечер пред спиење заради тоа што може да доведе до несоница.
Ако се користи редовно, го намалува хроничниот умор, го подобрува памтењето и го подобрува имунитетот.

Ѓумбирот исто така се користи како превентива против настинка, против воспаленија и за смирување на кашлица.
 Во вид на облога се користи против грчеви, ја намалува болката при мускулни и коскени проблеми.
Испитувањата покажале дека користењето на ѓумбир го забавува растот на канцерогените клетки и помага во ублажување на последиците од хемотерапија како гадење и повраќање.

Ја стимулира функцијата на црниот дроб и е одличен за детоксикација на телото.

Стандардната дневна доза на ѓумбир во прав е до 4 гр. а се зема во 2-4 дози.

Неизлупениот ѓумбир може да се чува во фрижидер замотан во хартија и ставен во пластична кеса до 3 недели, а излупен може да се замрзне и да се користи до 6 месеци.

Ѓумбирот во прав треба да се чува во добро затворено стаклено шише на темно, суво и ладно место.

Појадок кој го препорачуваат нутриционистите

За припрема на овој појадок потребно е:

- 300 мл немасен јогурт ( може и кефир )
- 2 лажици овесни снегулки
- 1 лажица сомелено ленено семе ( или чиа семе )
- 1 лажица 100 % какао
- 6-7 суви сливи

Појадокот се спрема навечер за наредното утро.

Прво измиените суви сливи се преливаат со зовриена вода и се оставаат 5-10 мин да набабрат.
За тоа време во еден сад се ставаат овесните снегулки, какаото и лененото семе и се мешаат. Се преливаат со јогуртот и се убаво се меша. Набабрените суви сливи се сецкаат и се додаваат во смесата.Се промешува и садот се остава во фрижидер. Појадокот се консумира наредното утро. По желба може да се нароси и со малку цимет.

Ова е еден од најздравите појадоци, кој содржи витамини и минерали за нормализирање на метаболизмот, за зајакнување на организмот и за подобар изглед на кожата и косата.
Доколку се користи секое утро како појадок, помага во елиминација на токсините и ги чисти цревата. Го решава проблемот со мрзливи црева и опстипација и помага во губењето на вишок килограми.

Покрај здравствените придобивки, овој појадок е и многу вкусен.

Домашна крема за лице со кокосово масло

За да ја припремите ова крема за лице потребни ви се само 3 состојки:

- 1/2 филџан ладно цедено кокосово масло

- 1 лажичка течен вит. Е

- 5-7 капки етерично масло од лаванда ( или по избор )

Едноставно измешајте ги сите три состојки во еден сад. Кокосовото масло на собна температура е во течна состојба, така да мешањето на состојките е едноставно. Префрлете ја добиената смеса во мал стаклен сад и чувајте ја подалеку од директен извор на топлина и светлина. Доволно е да користите само мала количина од овој крем наутро и навечер.

Витаминот Е, како антиоксиданс, има многу важна улога за здравјето на кожата. Заштитува од UV зраците, загадувањето и другите појави кои доведуваат до оштетување на кожата. Витаминот Е прави кожата да изгледа помазна и помлада. Го забрзува и процесот на заздравување од изгореници. Заради ова, тој е главна состојка во многу козметички производи против стареење на кожата.

Кокосовото масло одговара за сите типови на кожа, вклучувајќи и сува и распукана кожа. Го забавува стареењето и опуштањето на кожата како и појавата на брчки. Помага и во лекувањето на разни кожни болести, вклучувајќи и псоријаза, дерматит, егзема и други кожни инфекции. Кокосовото масло е природен антиоксиданс со значително антивирусно и антибактериско дејство.

Кокосовото масло дава природна заштита од сонцето. Создава заштитна бариера против влијанието на околината а е доволно нежно и сигурно за бебињата и децата.

Примена на кокосовото масло во природната козметика

За подмладување на кожата на лицето, негувана коса и тело и за спречување на брчките потребен ви е само еден природен препарат.

Органското, ладно цедено кокосово масло може да ги замени скапите препарати за нега на кожата и косата.

- За спречување на појавата на брчки користете неколку капки кокосово масло кои нежно ќе ги натапкате на кожата под очите

- Кокосовото масло може да послужи и како регенератор за коса. Размачкајте го маслото на дланките и поминете со прстите низ косата од коренот до врвовите. Соберете ја косата и покријте ја со капа за туширање. После половина час измијте ја косата со шампон.

- Неколку капки од ова масло може да ја смири "немирната" коса. Размачкајте од маслото на прстите и со нив поминете ги врвовите од косата.

- Искористете го кокосовото масло за вадење на шминката од лицето. Размачкајте малку од маслото на лицето и со помош на вата исчистете ја шминката.

- Наместо лосион за тело, употребете кокосово масло за хидратација. Потребно е да го нанесете во многу тенок слој.

- Може да употребите кокосово масло наместо крем за бричење.Со помош на маслото ќе ја спречите иритацијата на кожата после бричењето.

- Избелете ги забите и уништете ги бактериите во устата со помош на кокосово масло. Земете 2 лажички од маслото и ставете ги во устата.Промучкајте го маслото низ устата и држете го во уста 5 минути а потоа исплукајте го.Со оваа метода се помага лекувањето на гингивитот, афтите и се избелуваат забите.

- Користете го како хидрантна крема за усните.

- Кокосово масло измешано со сода бикарбона може да се користи како природен антиперспирант.

Кокосово масло

Со години се сметало дека внесувањето на масти е штетно за организмот. Луѓето ги прифатиле нискомасните диети, а мастите асоцирале на пржена храна и лошо здравје. Мастите исто така се сметале и за непријатели на нега на кожата. Масната кожа се поврзувала со акни, па луѓето избегнувале користење на масла за нега на кожата со цел да се избегне појавата на акни.Меѓутоа постојат масла кои се здрави за внатрешна и надворешна употреба. Едно од тие масла е и кокосовото масло.

Кокосовото масло екстрахирано од свеж кокос, наместо вообичаените масни киселини со долг ланец, содржи дури до 70 - 85 %  масни киселини со среден ланец. Карактеристика на овие масни киселини е тоа што тие не се складираат во масно ткиво, туку директно преминуваат во црниот дроб и се претвораат во енергија. Заради таа карактеристика кокосовото масло го преферираат луѓето кои пазат на својата линија и ова масло се рекламира како чувар на витката линија.

Средноланчаните масни киселини брзо се апсорбираат во тенкото црево поради што се лесно сварливи и погодни за особи кои имаат проблеми со варењето на храната и метаболички болести.

 Овие масни киселини имаат способност да делуваат против бактерии, вируси и габички.

Бројните истражувања покажале дека кокосовото масло има не само антивирусно и антибактериско дејство туку и антиканцерогено. Се користи и како помош при лечење на низа заболувања :

 - кожни болести и рани
 - артритис и реума
 - опаѓање на косата
 - болести на гингивата
 - цревни паразити
 - вирусни, бактериски и габични инфекции
 - дијабет
 - ослабен имунитет
 - хроничен умор
 - мигрена
 - депресија
 - ослабена концентрација и памтење
 - паркинсонова болест
 - намалување на холестеролот

Кокосовото масло на пазарот може да се најде како рафинирано и нерафинирано. Постои и трет хидрогениран облик кој треба да се избегнува во исхраната заради присуството на транс масни киселини кои се создаваат во процесот на хидрогенација.

Најквалитетно е нерафинираното ладно цедено кокосово масло.

Кокосовото масло исто како и другите масла може да се користи за пржење и печење на зеленчук, месо и риба, но во припремената храна присутен е вкусот на кокос. Исто така кокосовото масло може да се искористи при припремање на колачи наместо путер и маргарин, а со него може да се збогати и утринската овесна каша или некое овошно smoothie.

Направете сами здрави чоколадни коцки

За да направите здраво и вкусно чоколадо дома, потребни ви се:

- 1/2 шоља органско кокосово масло
- 6 лажици 100 % какао
- 2 лажици екстракт од ванила
- прстофат хималајска сол
- 2 лажици стевија

Кокосовото масло на собна температура е во течна состојба.

 Во садот со кокосово масло додадете ги и другите состојки и добро промешајте додека не се добие хомогена смеса.
Добиената смеса турете ја во силиконски калап за мраз и ставете ја во замрзнувач. После петнаесетина минути домашното чоколадото е готово. Уживајте...

Какао

Какаото е дрвенесто растение кое расти од 4-8 метри во височина со потекло од тропските делови на Америка. Плодот на какаото содржи 30 - 45 зрна од кои, кога ќе созреат, се екстрахира какаово масло, а со нивно мелење се добива какаов прав.

Какаото претставува "супер храна" и се смета дека е едно од чудата на природата.

Какаото содржи поголема концентрација на антиоксиданси од било која друга храна.
Суровото зрно на какаото содржи 14 пати повеќе антиоксиданси од црвеното вино и 21 пат повеќе од зелениот чај.

Исто така содржи голема количина на магнезиум, и значителна количина на железо, бакар, цинк, манган, фосфор, калиум, калциум, омега 6 и други есенцијални масни киселини.

Заради ова, консумирањето на какао има значителни бенефиции за човековото здравје.

Поради високото присуство на флавоноиди, силни антиоксиданси, какаото помага во превенција на срцевите заболувања.
Ги обновува крвните жили и ја одржува нивната функција.
Лицата кои пијат 2 пати дневно какао, го намалуваат систоличкиот крвен притисок, кој е и еден од главните виновници за инфаркт и срцеви заболувања.
Со помош на какаото може да се ослободите и од мигрената.

Одличен извор е на железо, а покрај тоа го регулира и нивото на холестерол и шеќер во организмот.
Го поттикнува помнењето и ја подобрува концентрацијата. Американските истражувања покажуваат дека редовното консумирање какао, ја забрзува циркулацијата и дотурот на крв во мозокот, со што се спречува деменцијата и опасноста од мозочен удар.
Какаото е познато како билка која го намалува стресот и депресијата.
Ја омекнува кожата и со тоа го успорува процесот на стареење.
Покрај тоа, какаото е и силен афродизијак.

Сепак, не секое какао се произведува еднакво.Повеќето производи на какао прав кои се продаваат во нашите продавници содржат од 5 - 20 % какао, а останатото е шеќер и адитиви.

Суровото какао содржи максимално количество на нутритивни вредности во споредба со другите типови на какао.
Затоа внимавајте при купувањето и избирајте само 100 % какао.

Колач од банана и овес засладен со стевија

За овој колач потребни ви се:

- 1/2 шоља јаболково пире
- 2 поголеми банани
- 2 белки од јајца
- 3 шољи овес
- 1 лажица стевија
- 1/2 шоља млеко
- 1/3 шоља растително масло
- 1/2 лажиче цимет
- 1/2 лажиче морско оревче ( по желба)
- 1/2 лажиче какао
- 1/2 лажиче сол
- 2 лажички прашок за печење
- 1 лажичка сода бикарбона

Јаболковото пире може да го добиете со миксирање на јаболката во блендер или супер сецко.
Овесот треба да се сомеле ситно во вид на брашно.
Наместо обично млеко, добро би било да употребите бадемово млеко.

Подготовка:

Во сад згмечете ги бананите со помош на виљушка, додадете го и јаболковото пире и измешајте ги заедно.
Во посебен сад измешајте ги овесот, циметот, какаото, морското оревче,солта, пецивото и сода бикарбоната.
Во трет сад измешајте го млекото, маслото, стевијата и белките од јајца. Добро промешајте. Потоа во овој сад додадете ги јаболковото пире и бананите, промешајте па на крај додадете ги и сувите состојки. Измешајте се заедно па смесата префрлете ја во обложено тавче за печење.
Печете 30-тина минути на 200 Ц степени.

Recipe posted at http://www.simplyLanna.com/banana-oat...

Стевија

Стевијата е природен засладувач кој не содржи калории па главно заради тоа е најпопуларен меѓу производите од овој вид.

Меѓутоа, стевијата има и многу други својства поради кои треба да ја користиме доколку се грижиме за здрав начин на исхрана.

Стевијата е скоро потполно од природно потекло. Послатка е од шеќерот за 200 до 300 пати, а не содржи калории. Досега нема покажано негативни својства, така да е потполно безбедна за здравјето. Содржи доста важни нутритиенти како калиум, калциум, хром, железо, магнезиум, белковини, бета каротени, полифеноли, танини и здрави масти.

За разлика од шеќерот не предизвикува кариес и го спречува создавањето на забен плак.

Стевијата го намалува нивото на шеќер во крвта и не влијае на инсулинот заради што е добар избор за дијабетичарите. Го намалува високиот крвен притисок, го намалува чувството за глад и го подобрува варењето на храната.

Стевијата го спречува размножувањето на штетните бактерии и вируси, па поради тоа помага во борбата против настинки, грип и инфекции на устата.

Некои најнови испитувања покажуваат дека стевијата учествува и во спречување на настанувањето на канцер.

Предноста на стевијата во однос на другите засладувачи е и тоа што нејзините молекули не се распаѓаат на температури и до 200 степени, па заради тоа е погодна за готвење и правење на колачи.

Инаку стевијата се добива од растението кое се вика Stevia rebaudiana, кое по природен пат се одгледува во Бразил и Парагвај. Таму со илјадници години стевијата се употребувала за засладување на храната, лечење на изгореници и проблеми со желудникот.

Во Парагвај уште пред стотина години го користеле сокот добиен од растението за побрзо зараснување на раните.Интересно својство на растението е и дека влијае на регенерација на кожата па се користи и за спречување да настанат лузни,против дерматитис, себореја,екцема...

При крајот на 19 век, стевијата е пренесена и во останатите делови на светот.

Иако во Јапонија стевијата е во продажба повеќе од 40 години, производите со стевија се одобрени како адитиви во храната во 2008 година во САД и од 2011 во ЕУ.